Herzlich wilkomme bi eus. Mir sind d Jugi vode Chile ETG Bachebülach und freued ois, luegsch verbi!
Bisch uf de Suechi nachere lebändige, lustige und ehrliche Gmeinschaft mit junge Lüüt so ca. zwüsched 16 und 26 Jahr? Denn bisch da genau richtig.
Mir sind e Gruppe vo junge Lüüt, wo wend Jesus nafolge. Nöd irgendwie abstrakt im Chopf, sondern ganz praktisch im Alltag. Was bedütet die alte Ussage ide Bible und was hends mit mim Lebe z tue? Sottig Frage begleited eusi Äbige und Lager.
Oisi gmeinsami Ziit zeichnet sich dur drüü Schwerpünkt uus: Ehrlichi Fründschafte, wildi Abentüür und echti Nachfolg vo Jesus. Also wennt mal so richtig Bock uf en coole Samstigabig hesch, chum mal verbii!
Wänn und wo?
Abem Summer 26 treffemer eus wieder regelmässig jede Samstigabig. Die gnaue Treffpünkt werded jewiils ide Wuche vorane im WhatsApp-Chat bekannt geh. Je nach Programm simmer nämlich nöd immer im Jugiruum – aber scho meistens 🙂
Wetsch au in Chat cho? Schriib churz am Clemens – er schickt der de Link.
Euses Programm setzt sich us drüü verschiedene Programm – wo sich us eusne Schwerpünkt (siehe oben) ableited – zeme:
Fränge: Mir treffed eus bi öpperem wo scho chli elter isch als mir dihei, essed zeme und die Persone verzelled us ihrem Lebe. Beziehig und Fründschaft staht im Fokus. (Was Fränge gnau bedüütet isch umstritte…)
Fun: Action, usegah, Sport, Abentüür – a dene Äbige wemmer s Lebe aktiv lebe und zeme Erlebnis teile.
Themenabend: Deep Dive. A dene Äbige tauchemer ines Thema ih, wos um s Lebe ide Nachfolg vo Jesus gaht. Mir lesed zeme ide Bible, tuusched uus und betet mitenand. Jede isch herzlich iglade und niemert muess öppis mitmache, wo er/sie nöd möcht. Also au Lüüt, wo nüüt mitem Glaube am Huet hend und efach mal wend ieluege, sind – so wie immer, bsunders au da – herzlich willkomme!
Kontakt
D’Jugileiters; Jana, Lea, Clemens
(clemens.hunziker@gmail.com)